Plantun de Prouvènço

Pèr coumpara dos planto d'encò nostre

Geranium columbinum & Leucanthemum cuneifolium

Geranium columbinum

Geraniaceae

Noms en français : Géranium colombin, Pied-de-pigeon.

Descripcioun :
Aqueste geranion de l'an trachis dins li roucaio, tepiero e ermas. S'espandis e rebalo au sòu e si pecou de flour fan mai de 2 cm ço que permès de lou destria dóu Geranium dissectum que ié sèmblo proun. Tambèn si sepalo soun bèn pounchudo (fotò) e dins li paréu de flour n'i'a souvent uno de mounto e l'autro que toumbo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Geranium
Famiho : Geraniaceae

Ordre : Geraniales

Coulour de la flour : Roso
Petalo : 5
Ø (o loungour) flour : 5 à 7 mm
Flourido : Printèms

Sòu : Ca (Si)
Autour basso e auto : 0 à 1200 m
Aparado : Noun
Abriéu à juliet

Liò : Roucaio - Tepiero seco - Champ
Estànci : Termoumediterran à Mountagnard
Couroulougi : Eurimediterrano
Ref. sc. : Geranium columbinum L., 1753

Margarido(-di-fueio-en-cougnet)

Leucanthemum cuneifolium

Asteraceae Compositae

Nom en français : Marguerite à feuilles en coin.

Descripcioun :
La margarido-di-fueio-en-cougnet trachis en mountagno dins lis Aup dóu miejour. Fai uno souleto flour coumpausado sus sa cambo que porto gaire de fueio. Se recounèis à si fueio en cougnet à la baso e di proun dentado (fotò), alor que li bratèio de la flour soun bourdado de negre. Pèr d'ùni farié partido de la meno L. adustum, pamens nous sèmblo bèn caraterisado dóu poun de vist mourfoulougi.

Usanço :
Emai aguèsson pas trop d'usanço, li margarido soun manjadisso : flour, jóuini fueio e racino. Soun peréu vertuouso : fan pissa e susa, soun bono contro lis espaime e ajudon à digeri.

Port : Grando erbo
Taio : 20 à 120 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Leucanthemum
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) flour : 4 à 6 cm
Flourido : Printèms - Estiéu

Sòu : Ca
Autour basso e auto : 200 à 2200 m
Aparado : Noun
Jun à avoust

Liò : Prado - Pelouso
Estànci : Subremediterran à Mountagnard
Couroulougi : Ouroufito-Sud-Éuropenco
Ref. sc. : Leucanthemum cuneifolium Legrand ex H.J.Coste, 1903

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Geranium columbinum & Leucanthemum cuneifolium

RRR

Coumpara Geranion(-di-couloumbo) emé uno autro planto

Coumpara Margarido(-di-fueio-en-cougnet) emé uno autro planto